Qış mövsümündə Azərbaycan qeyri-adi macəralara marağı olan hər kəs üçün unikal imkanlar təklif edən füsunkar və sehrli aləmə çevrilir. Əgər siz Azərbaycana qış aylarında səfər etməyi planlaşdırırsınızsa, o zaman avtomobil ilə səyahət bu diyarın təbii gözəlliklərindən zövq almaq üçün əla fürsətdir. Bu bələdçidə biz Azərbaycana qış mövsümündə səyahət etməyin unikal fayda və çətinliklərini nəzərdən keçirəcək və avtomobilin qarlı hava şəraitində idarə olunması ilə bağlı vacib məsləhətlər verəcəyik.
AVTOMOBİLDƏ SƏYAHƏT EDƏRƏK AZƏRBAYCANIN QIŞ GÖZƏLLİYİNİ KƏŞF EDİN!
Qış macəranız Heydər Əliyev adına Beynəlxalq Hava Limanından başlayır. Ay ərzində 2400-dən çox aviareys sayəsində müxtəlif dünya ölkələrindən qonaq qəbul edən bu hava limanı sizi Azərbaycanın qış sehrinin mərkəzi – Bakı şəhəri ilə birləşdirən intensiv nəqliyyat qovşağıdır. Heydər Əliyev adına Beynəlxalq Hava Limanında avtomobil icarəyə götürmək sizin düzgün seçiminiz olacaq və siz Azərbaycanın qış möcüzələrini istədiyiniz vaxt və zaman kəsiyində kəşf edə biləcəksiniz.
Azərbaycanda qış mənzərələri insanı valeh etsə də, sürücülər üçün müəyyən çətinliklər yaradır. Təhlükəsiz və xoş qış səyahətini təmin etmək üçün aşağıdakı tövsiyələrdən yararlana bilərsiniz:
Avtomobilin səyahətə hazırlanması: Avtomobilinizin təkərləri qış mövsümü və qarlı-buzlu yol şəraiti üçün münasib olmalıdır. Soyuq günlərdə rahat səyahət etmək üçün avtomobilinizin istilik sistemini yoxlayın.
Səyahət marşrutunun planlaşdırılması: Hava proqnozu və yol şəraitini nəzərə almaqla, səyahət marşrutunuzu əvvəlcədən planlaşdırın. Populyar naviqasiya proqramları real vaxt rejimində ən yaxşı marşrutlar üzrə yeni məlumatları təmin edə bilər.
İlk yardım dəsti: Özünüzlə dərman qutusu, ədyal və lazımi ləvazimatlardan ibarət ilk yardım dəsti götürün. Gözlənilməz hallar zamanı, hazırlıqlı olmaq daha yaxşıdır!
Avtomobilin ehtiyatla idarə olunması: Qarlı yollar sürüşkən ola bilər və buna görə də avtomobili orta sürətlə idarə etməklə yanaşı, sizdən öndə gedən avtomobil ilə təhlükəsiz məsafə saxlamalısınız. İcarəyə götürdüyünüz avtomobilin əyləc sistemini yoxlayın.
AVTOMOBİL İLƏ SƏYAHƏT ÜÇÜN DAHA MÜNASİB OLAN
ƏN YAXŞI QIŞ MARŞURLARI
Şəki Böyük Qafqazın ətəklərində yerləşir və öz qədim memarlığı, eləcə də onu əhatə edən qarla örtülü geniş ərazisi ilə seçilən möhtəşəm qış məkanıdır. Bakıdan Şəkiyə avtomobil səyahəti həm göz oxşayır, həm də heyrətamiz dağ mənzərələri ilə yadda qalır.
Qəbələ qış idman növlərinin həvəskarları üçün ideal məkandır. Bakıdan avtomobillə maraqlı səyahətə çıxın və yol boyu möhtəşəm mənzərələrdən zövq alın.
Quba qarlı dağları, yamyaşıl meşələri olan qış nağılına bənzəyir. Bakıdan Qubaya gedən yol boyu aktiv istirahətlə məşğul olmaq və qarlı mənzərələri fotolentə almaq imkanı var.
Bütün dünyada öz misgərləri ilə məşhur olan Lahıc heyrətamiz məkandır və bura avtomobil ilə səyahət etmək daha yaddaqalan olur. Qış marşrutu insana xoş təsir bağışlayan kənd yerlərindən keçir ki, bu da yerli sənətkarların əl işləri ilə tanış olmağa imkan yaradır.
Beləliklə, Azərbaycan qış mövsümündə kəşf edilməyə dəyər gizli bir incidir. Heydər Əliyev adına hava limanından icarəyə götürdüyünüz avtomobil ilə bu füsunkar ölkə boyu tur zamanı sizi bir-birindən mənzərəli yerlər və maraqlı səyahət gözləyir.
Qışın gözəlliyindən zövq alın, yol hərəkəti qaydalarına riayət edin və Azərbaycanın qarlı mənzərələri fonunda unudulmaz xatirələr yaradın!
QIŞ MÖVSÜMÜNDƏ AZƏRBAYCANDA SƏYAHƏT ÜZRƏ BƏLƏDÇİ İLƏ BAĞLI TEZ-TEZ VERİLƏN SUALLAR.
Qış mövsümdə Azərbaycan sehrli nağıllar aləminə çevrilir və burada heyrətamiz mənzərələr və unikal mədəni yerlərlə yanaşı, maraqlı qış idman növləri də təklif olunur. Zirvəsi qarlı dağlardan tutmuş xüsusi atmosferi olan kəndlərə qədər öz müxtəlifliyi ilə fərqlənən bu ölkə qış macəraları üçün müstəsna seçimdir.
Heydər Əliyev adına Hava Limanında avtomobil icarəyə götürmək rahatlıq və əlçatanlıq baxımından tövsiyə olunur. Tez-tez aviareyslər həyata keçirən əsas nəqliyyat qovşağı kimi, bu hava limanı avtomobil icarəsinə asan çıxışı təmin edir ki, bu da səyahətçilərə Azərbaycanın qış attraksionlarını müstəqil surətdə kəşf etməyə imkan yaradır.
Qış mövsümündə Azərbaycanın ən yaşı gəzməli-görməli yerləri: füsunkar dağ mənzərələri ilə məşhur olan Şəki, qış idman növlərinin cənnətməkanı Qəbələ, vəhşi təbiətin qarlı mənzərələrini təklif edən Quba və bütün dünyada öz misgərləri ilə məşhur olan sənətkarlar diyarı Lahıc.
Qış mövsümündə Azərbaycanda avtomobili təhlükəsiz şəkildə idarə etmək üçün avtomobilinizin təkərləri qış mövsümü və qarlı-buzlu yol şəraiti üçün münasib olmalıdır. Siz marşrutunuzu hava və yol şəraitinə əsasən planlaşdırmalı, özünüzlə qəza zamanı tələb olunan alət və ləvazimatlar dəsti götürməli və xüsusən də qarla örtülmüş yollarda diqqətli olmalısınız.
Avtomobilinizi qarlı yollarda idarə etmək üçün hazırlayın - avtomobilinizin təkərləri qış mövsümü və qarlı-buzlu yol şəraiti üçün münasib olmalıdır. Bununla yanaşı, siz avtomobilinizin istilik və əyləc sistemini də yoxlamalı və özünüzlə dərman qutusu və ədyaldan ibarət ilk yardım dəsti götürməlisiniz.
Qış mövsümündə Azərbaycanda avtomobilin idarə olunması ilə bağlı əsas çətinliklər sürüşkən, qarlı yollarda hərəkət etmək və dəyişkən hava şəraitinə uyğunlaşmaqdır. Buna görə də avtomobili diqqətlə idarə etmək və dəyişkən yol şəraitinə hazır olmaq vacibdir.
Bəli, Azərbaycanda, xüsusən də qış idman növlərinin cənnətməkanı sayılan Qəbələdə ziyarətçilər gözəl dağ mühitində xizəksürmə və snoubord kimi idman fəaliyyətlərindən zövq ala bilərlər.
Azərbaycanda qış səyahətini planlaşdırmağın ən yaxşı yolu ən son hava proqnozlarını və yol şəraitini yoxlamaq, aktual məlumat üçün etibarlı naviqasiya proqramlarından istifadə etmək və gözlənilməz vəziyyətlərə uyğunlaşmaq üçün çevik marşrut seçməkdir.
Əlbəttə! Azərbaycan mənzərəli gəzintilərdən və mədəni abidələrdən tutmuş açıq hava sərgüzəştləri və qış əyləncələrinə qədər hər yaş dövrü üçün uyğun müxtəlif tədbirlər təklif edən və ailələr üçün münasib olan səyahət məkanıdır.
Qış mövsümündə Azərbaycanda bir çox mədəni hadisələrə şahid olmaq mümkündür. Belə ki, siz tarixi şəhərləri, o cümlədən Lahıcı ziyarət edə və bu yerlərin zəngin irsinə şahid ola bilərsiniz. Həmçinin, siz yerli sakinlərin ənənəvi sənətkarlığı və əl işləri ilə tanış ola və yerli mətbəx nümunələrinin dadına baxa bilərsiniz.
Bütün bunlar sehrli atmosfer yaradan nəfis qış mənzərələri ilə müşayiət olunacaq!
